مقتل الرئيس الأيراني والدليل علي كلامي ،،قالولوووووو،،،
رؤيه سياسيه ساخره بقلم دكتورابرام سامي :
ومرة واحده بقي ياسيد كان الكلام بتاع ايه التلفزيون الإيراني اللي هي قناة IR.ib 2 و العالم الاخبارية مع الأخ الجليل مدير مكتب ابراهيم رئيسي .. غلام محسن اسماعيلي
و اللي نقلته العربية نيوز و ال cnn ” و دي ليها معايا كباية شاي كده علي نار هاديه بروقان ومزاج كده عشان تبقا تقل ادبها علي مصر حلو “
المهم .. محسن افندي قال ايه 👈🏻 قال احنا كنا علي متن 3 طيارات و الجو كان كويس و مفيش أي اجواء سيئة و لا ضباب و لا غيره
قولنا ان رئيس رايح يفتتح سد واخد معاه وزير خارجيته و وزير الامن القومي لييييه
محسن جاوب بقا 👈🏻 احنا كان عندنا اجتماع دبلوماسي امضينا فيه ساعة و نصف مع بعض المسئولين الاذربيجانية
” الفخ أهو “
و انتهي الاجتماع الضهر و اتحركنا اتجاه منطقة السد
قولتلكم اشمعني طيارة رئيسي اللي اتأثرت بالاجواء السيئة
محسن قال ايه مكنش فيه اجواء سيئة اصلا
و الطيار الضابط مصطفوي قائد طيارة الرئيس كان متقدم السرب
و بينا و بينه مسافة اتصال دقيقة.و 45 ثانية
ظهرت بقعة في السماء امامنا ف امر الطيار مصطفوي بالطيران فوق السحب علي ارتفاع موحد
لكنه دخل جوا البقعة دي و بعدها اختفي تماما
قولتلكم اشمعني الطيارة اختفي اثرها 18 ساعة
غلام قال قائد طيارتي لقيته بيلف و يرجع .. سألته ليه
قال طيارة الرئيس اختفت من علي الرادار
حاولنا نحقق اتصال باي حد
مردش غير سيد أحمدي الهاشم و قالهم لقد مات الجميع انا اتألم بشدة لا يمكن انقاذ أحد .. أوقعونااااا
يعني تم استهداف الطيارة و الدليل قالولووووووو
و ايران بلغها موت اللي كانوا علي الطيارة كلهم .. لكنهم اخفوا الخبر زي ما قولنا
و أحمدي نجاد اتسرع و نشره…..
كمين تم استدراج عبد اللهيان و رئيسي له من اذربيجان بإيعاذ أمريكي
و تنفيذ الحادث بتكنولوجي معين عشان يبان انه اجواء سيئة
ناخد كده تفاصيلة نربطها بالأحداث عشان نشوف التحضيرات الغربية للحادث علي الرأي العام و إلصاق التهمة ب علي مجتبي ابن علي خامئني المرشد الأعلي :
يوم الخميس اللي فات فايننشيال تايمز البريطانية نزلت مقال طويل عن الاوضاع الايرانية
و عن ان حان الوقت لتغيير المرشد الاعلي لأنه تخطي ال 85 سنة من عمره
و مصاب بأمراض الشيخوخة
و ان في اتفاقات و مواءمات ايرانية داخلية علي الاختيار من ضمن 4 اسماء
منهم مجتبي و رئيسي
و ان رئيسي هو الاقرب
و طبعا ده يضايق مجتبي
لنكتشف أمس وثيقة خرجها مجلس خبراء القيادة الجدد
” اللي هو بينتخب الرئيس “
و اللي تم تكوينه يوم الاتنين 20 مايو بعد وفاة رئيسي لان لازم حل المجلس القديم وفقا للدستور
و اللي رئيسه الحالي موحدي كرماني أحد المقربين من رئيسي و عبد اللهيان تحديدا
بتقول ايه الوثيقة دي 👈🏻 بعد موافقة مجلس الخبراء و المرشد الأعلي و ابراهيم رئيسي نفسه .. تم استبعاد اسم ابراهيم رئيسي من قائمة ال 4 المرشحين لتولي خلافة الارشاد
▪ليه كده طيب 👈🏻 بسبب سوء الاوضاع الاقتصادية في ظل العقوبات .. و اخفاقاته الامنية المتكررة التي اثارت حفيظة الشعب
تاريخها امتي الوثيقة دي 24 نوفمبر 2023
يعني اساسا رئيسي طلع برا الليلة بتاعت الارشاد بموافقته .. و مفيش بينه و بين مجتبي خامئني اي صراع قلشت من الامريكان دي
ممكن تقولوا حاجة تانية بقا يعني مثلا كان عليه نفقة و مقبضش الجمعية عشان يسددها قامت المدام فجرت الطيارة
لااااا ما انت ربنا يكفيك شر دماغ الستات اما تنتقم
اتحسدوا مبقاش لهم عملية بتتم نضيف ابدااا
ابو جودة فكرة لا تموت
” يعني لو أخونا بوتين يستعين بيا بالتقارير اللي هيعملها عن الحادث .. هوفر عليه كتير “
و عرفت حالا خبرين :
الاول : الرئيس المؤقت محمد مخبر .. عزل غلام محسن اسماعيلي من منصب مدير مكتب الرئيس و حدد اقامته
التاني : الهام علييف رئيس اذربيجان قدم دعوة دبلوماسية لبشار الاسد لزيارة اذربيجان
” بشار هيروح باي من غير سلام
هيطلع عند الامام نزار مع الهادي بن حسن الصباح “
الكوكب اتهبل والله
