كبسولة ڤيتامين لبشرتك من آشعة الشمس .. نصائح هامة للإستمتاع بأجازتك الصيفية تابع التقرير على تريندات.
كبسولة ڤيتامين .. في البداية وقبل الدخول في التفاصيل يجب عليك أن تعرفي أن الشمس ليست عدوك. وتعالي معنا لتفهمي الحقيقة والطرق المثالية لحماية بشرتك وبشرة أسرتك بشكل صحى ومن ثم الإستمتاع بأجازتك الصيفية .
بقلم : رؤى مصطفى
مع دخول الصيف، بنبدأ نجهز شنط المصيف وننزل الشواطئ ونقضي وقت أكتر في الشمس. وساعتها بيبدأ القلق من أشعة الشمس وجفاف البشرة وظهور التجاعيد والبقع والتصبغات، وبتبدأ رحلة البحث عن أقوى وأغلى واقي شمس في السوق.
بس، لحظة! هل فعلاً واقيات الشمس بتحمينا؟ وهل الشمس هي السبب الحقيقي لكل مشاكل البشرة؟
خليني أقولك الحقيقة…
هل الشمس فعلاً عدو للبشرة؟
فى الحقيقة لاء،الشركات الكبرى أقنعتنا إن الشمس ضارة جدًا، وإنها السبب في شيخوخة الجلد وسرطان البشرة والتصبغات. لكن لو رجعنا بالزمن، هنلاقي إن أجدادنا عاشوا تحت نفس الشمس دي بدون أي مشاكل جلدية كبيرة.
كبسولة ڤيتامين لبشرتك
الفرق الحقيقي مش في الشمس، لكن في نمط حياتنا الحالي: أكلنا مليان سكر ومخبوزات من دقيق أبيض معدل وراثيا وفاكهة وخضار مهجنة وزيوت مهدرجة ومكسبات طعم ولون صناعية.
كل ده بيأثر على صحتنا العامة، وخصوصًا صحة الجلد والجهاز المناعي.
فهل واقي الشمس فعلاً آمن؟
للأسف معظم كريمات الشمس الموجودة في السوق مليانة مواد كيميائية، والجلد بيمتصها بسهولة.
المشكلة مش بس في الامتصاص، لكن كمان في التفاعل الكيميائي اللي بيحصل لما نتعرض بيها لأشعة الشمس. ده يسبب مشكلات أكتر وأكبر : مثل تحسس مفرط للبشرة
وزيادة شيخوخة الجلد
واضطراب في الهرمونات بسبب امتصاص الجلد للمواد الكيميائية.
كبسولة ڤيتامين لبشرتك
وهنا نبحث عن الحلول؟ ببساطة… ارجعي للطبيعة، واختاري الوقت الصح للتعرض للشمس: من بعد الشروق لحد الساعة 11 صباحا ، ومن الرابعة عصرا لحد المغرب.
الشمس في الأوقات دي مفيدة جدًا، لأنها:
تنشط صبغة الميلانين اللي بتحمي الجلد
وتزود فيتامين د الطبيعي
وتخلي بشرتك تتأقلم وتبقى أقل حساسية
ومن الحلول الطبيعية الصحيه إستخدام الوصفات الطبيعيه لعمل واقى شمس لو مضطرة للتعرض للشمس فى أوقات الذروة بالمكونات الآتية:
2 ملعقة كبيرة من بودرة الزنك (zinc oxide powder) متوفرة بالصيدليات
1 ملعقة كبيرة زيت بذور الجزر
1 ملعقة كبيرة زيت توت أحمر
(اختياري) ملعقة صغيرة زيت جوز الهند + ملعقة صغيرة زبدة شيا مذابة + ملعقة صغيرة جلسرين للترطيب + 3:4 قطرات زيت لافندر
اخلطي المكونات جيدا واحفظيها في عبوة زجاج، واستخدميها خلال 45 يوم.
ولو محتاجة بديل جاهز وسريع؟
استعملي واقي الشمس المخصص للأطفال، لأنه بيخضع لرقابة أعلى ومكوناته غالبًا أقل ضررًا.
في النهاية:بشرتك مش محتاجة منتجات غالية علشان تحافظ على جمالها… محتاجة وعي وفهم لجسمك واحتياجاته. الشمس مش عدوتك، لكن سوء استخدامنا ليها هو السبب في مشاكلنا. خدي بالك من أكلك، تعرضك للشمس، ونوع المنتجات اللي بتضعيها على بشرتك.
استمتعي بالصيف، وكوني دايمًا جميلة بطريقتك الخاصة
