بمناسبة موسم الاجازات والمصايف..موقع تريندات يقدم روشتة لقيادة آمنة تعرف عليها كاملة على تريندات.
روشتة لقيادة آمنة
بمناسبة حلول موسم اجازات المدارس والجامعات واقبال الناس على الخروج والفسح فى المتنزهات والاماكن العامة والسفر للمحافظات الساحلية عبر الطرق السريعة هربا من حر القاهرة ومحافظات الوجة القبلى يقدم موقع تريندات العالم بعض النصائح اللازم اتباعها من اجل قيادة آمنة
تنقلها لكم : رانيا حنفي
اولا : قبل استخدام سيارتك ووضع المفتاح في الكونتكت تأكد من فحصها جيدا من خلال الكشف على تيل الفرامل والزيت ومياه التبريد
ثانيا : اذا كانت سيارتك متهالكة استقل غيرها ياما تلغى السفر وتنسى الفكرة برمتها
ثالثا : عدم السفر او القيادة ليلا خاصتا على الطرق السريعة مثل طرق العين السخنة و الغردقة و شرم الشيخ والساحل الشمالى والعملين وغيرهم وذلك لان غالبية الحواداث بفعل النوم اثناء القيادة وإنعدام الرؤية على الطريق اضافتا الى العنصر الامنى بتكون معرض للخطر من خلال اعتراض طريقك من قطاع الطرق لا قدر الله او فى اسلم الحالات عطل مفاجىء يحدث للسيارة في مكان مقطوع ومن الصعب ايجاد ونش في وقت متأخر
وساعتها الرحلة هتتحول لخوف ورعب وقلق وخصوصا لو معاك زوجتك واولادك
انما الاسلم لحضرتك تفضل تجهز طول الليل فى متعلقاتك وكل ما تحتاجة اثناء السفر او الرحلة ومع سطوع اول ضوء للشمس تبدا التحرك
وطبعا مننساش الاهم من كل دة صلاة الفجر والدعاء انك توصل بالسلامة
رابعا :فى حالة المصايف يرجى التركيز جيدا لان بيكون حمولة السيارة اكثر على عربيتك
فيزيائيا حمولة السيارة عند ضغطك على الفرامل بتفرق من ضغطك وانت بتقودها بمفردك
لذلك سرعتك متعديش 100 الى 120 علشان لو طلع قدامك حد وفرملت وانت مركب 5 اشخاص مثلا فا الفرامل مش هتلحقك و هتخبط او هتتقلب لا قدر الله
خامسا:الاستغناء تماما عن نفخ الاطارات من الهواء العادى يجب تفريغ اطارات السيارة الاربعة من الهواء ونفخهم نيتروجين من اى بنزينة وفرق السعر بسيط جدا وفى متناول كل مستخدمى انواع السيارات ابتداءا من السيات وصولا البى ام والسيارات الفارهة
وذلك لعدة اسباب علشان الهواء الي داخل الاطار بيتمدد اثناء السواقة خصوصا على الاسفلت السخن وبتكون السيارة معرضة انها تتقلب إنما النيتروجين غاز كثافتة الفيزيائية لا تمكنة من التمدد فى كل الاحول
سادسا :حزام الامان تلبسة لحين الوصول ومتقلعوش انت والى معاك فى العربية سيان فى المقاعد الامامية او المقاعد الخلفية لان فى حالة انقلاب السيارة بعد الشر بيكون الناس الى فيها لو مش رابطة حزام الامان عاملين زى شوية الغسيل فى الغسالة الاوتوماتيك, كله بيتقلب و يتهرس فى بعضة, ربطك لحزام الامان بيقلل من حدوث الوفاه جداااا و كمان بيقلل من الاصابات الخطيرة
سابعا :لو زوجتك خطيبتك اختك امك ابوك ابنك قاعدين جمبك وبيكلموك
عينك متغفلش عن الطريق الحادثة بتحصل فى لحظة
ودنك معاهم والكلام بيتسمع مبيتشافش
ثامنا :متسافرش على طريق جديد مختصر لسه متسلمش من الحكومة علشان مش هتلاقى عليه اى خدمات ولا حتى شبكة تليفون
مع تمنيات اسرة تريندات برحلة سعيدة وعودة سالمة
