رسائل الطعام للجنين… دليلكِ الذكي للتغذية السليمة أثناء الحمل
رسائل الطعام للجنين… الحمل مش بس رحلة بيولوجية، لكنه كمان رحلة وعي ومسؤولية، بتبدأ من لحظة إدراكك إن في كائن صغير جواكي محتاج كل نقطة تغذية، وكل ذرة حب.
كتبت /رؤى مصطفى
في الوقت اللي ممكن تبقي فيه الأم مجهدة ومشوشة بين المكملات والأدوية والنصايح المتكررة، لازم تفهم إن الأكل الحقيقي مش مجرد طعام… ده وسيلة لبناء إنسان من أول نقطة.
في عز ما الكل بيقول “خدي الفيتامينات”، العلم الحديث بيقول..”خدي بالك من أكلك.” لأن المكملات وحدها مش كفاية، والأم الواعية هي اللي تعرف توازن بين الطب والصحن، بين الدواء والمعلاق.
ومن هنا بيقدم ليكى
الدكتور عمرو حسن أستاذ أمراض النساء والتوليد بكلية طب قصر العيني
مجموعة من النصائح الذهبية لكل سيدة حامل، علشان تقدر تبني صحة جنينها صح من أول يوم.
أهم النقاط والنصائح
المكملات الغذائية مهمة لكنها مش بديل كامل
الفيتامينات لا يمكن أبدًا تحل محل التغذية الطبيعية المتوازنة، لأنها لا تحتوي على كل العناصر المعقدة الموجودة في الأطعمة.
الغذاء الطبيعي هو البطل الحقيقي
البروتينات، الحديد، الكالسيوم، الزنك، وفيتامين (د) لازم تيجي من
البيض
اللبن والجبن
اللحوم
المكسرات
الخضراوات الورقية
المكملات لتعويض النقص فقط
استخدامها في حالات محددة، مش وسيلة للتكاسل عن الأكل الصحي.
ابتعدي عن الدهون الضارة
قللي من الدهون المشبعة (الموجودة في المقليات والمصنعات) وركزي على الدهون الصحية
زيت الزيتون
الأسماك
احذري الأطعمة السريعة والسكريات
الإفراط في السكريات والمأكولات الجاهزة قد يؤدي إلى إصابة الجنين مستقبلاً بـ:
السمنة
مقاومة الإنسولين
كل وجبة بتاكليها… رسالة لجسم الجنين
أكلك بيكوّن جهازه العصبي، مناعته، توازنه الهرموني، واستعداده العقلي والنفسي لحياة كاملة.
كلمة أخيرة من الدكتور عمرو حسن
يجب أن ننظر للحمل كرحلة إعداد لحياة صحية كاملة، تبدأ قبل الولادة، لا بعدها.”