رئيس التحرير يتسائل باستهجان .. يعنى اية طرح حلوى المولد بالتقسيط! هى وصلت لكدة..فيديو
على خلفية حلول مناسبة المولد النبوى الشريف والتى تحظى بطابع فريد يجمع بين الروحانية والتقاليد الموروثة، يحرص فيها المصريون على شراء حلوى المولد التقليدية مثل العروسة وحصان المولد وغيرهما، وفى بعض القرى تُقام الموالد الشعبية وحلقات الذكر والإنشاد الدينى
حيث أعلنت فى وقت سابق الجمعية التعاونية الاستهلاكية من منطلق تخفيف الأعباء على المواطنين،بند يخص نظام شراء حلوى المولد بالتقسيط عبر 4 شهور دون مقدم وبلا ضامن أو فوائد وبأسعار مخفضة في خطوة تخوضها الجمعية التعاونية مسارًا مختلفًا
لمشاهدة الفيديو عبر اليوتيوب
وأكدت الجمعية أنه على الراغبين في شراء حلوى المولد النبوي بأسعارها المميزة تقديم صورة من بطاقة الرقم القومي، إضافة إلى مفردات مرتب حديثة، وحددت أسعار العلب المطروحة وفقًا لمستويات مختلفة لتناسب قدرات الشراء لدى المستهلكين.
لحظة تكريم الكاتب خالد فؤاد
ومن هذا المنطلق طرح الكاتب الصحفى خالد فؤاد عدة اسئلة مخاطبا كل من تاقلم مع الفكرة
استهل فؤاد حديثة بتقديم التهنئة لعموم المسلمين بصفة عامة و لمتابعين مواقع المؤسسة بصفة خاصة قائلا: كل سنة وانتم جميعا طيبين بمناسبة المولد النبوى الشريف
ومن ثم بدا يعلق على موضوع اثار استيائة ودهشتة قائلا: بس بصراحة حاجة استفزتنى قوى وحبيت اتكلم معاكم فيها فى اليوم العظيم دة يعنى اية طرح حلاوة المولد بالتقسيط وازاى حضرتك توافق على حاجة زى كدة يعنى تروح تجيب علبة الحلويات بمفردات المرتب بتاعتك والبطاقة وتاكل لمدة دقايق انت واولادك وتتبسطوا وتفضل تقسط تمن العلبة
متسائلا : لفترة مش عارف قد اية ستة اشهر ولا سنة ولا سنة ونصف
مضيفا : وتفضل تحط كل شهر مبلغ ولو مدفعتش حضرتك هتترفع عليك قضية وهتتحبس علشان كلت حلوى مولد بالتقسيط
وتابع فؤاد باستياء : والنبى دة كلام والله العظيم تلاتة دى بقت مهزلة لا واية هيئات ووزارات حكومية طرحة كمان الموضوع دة حلوى مولد بالتقسيط احنا وصلنا للدرجادى
لمشاهدة الفيديو عبر التيك توك
@www.elmshaher.com حلوى المولد النبوي بالتقسيط .. كل وحلي النهاردة وأتحبس بكرة والسجن للجدعان؟!!! #حلوى_المولد #المولد_النبوى #السجن_للجدعان #المولد_النبوى_الشريف #صحيفة_اسرار_المشاهير
وخلال الفيديو انتقل فؤاد من مخاطبة الجهات المختصة الى المستهلك ناصحا: ياعم هات علبة حلويات صغيرة على قدك انت واولادك وازاى تدخل نفسك فى حاجة زى دى هات علبة حلويات صغيرة وانبسط وخلى ولادك ينبسطوا ومتدخلش فى المجال دة متسائلا مرة اخرى صاحب الفكرة : يعنى اية انا مش فاهم احنا وصلنا للدرجادى علبة حلويات مولد بالتقسيط اكل النهاردة واتحبس بكرة يانهارد اسود والله العظيم الموضوع دة ضايقنى قوى ياجماعة حبيت افضفض معاكم بجد بجد حاجة مزعجة قوى
لمشاهدة الفيديو عبر الفيس بوك:
https://www.facebook.com/share/v/19fFQ2FCHS/
ويذكر ان ساعات قليلة تفصلنا عن ذكرى مولد خير البرية “سيدنا محمد علية افضل الصلاة والسلام” وكالعادة يحتفل الشعب المصرى فى بعض القرى حيث تُقام الموالد الشعبية وحلقات الذكر والإنشاد الدينى، كما تتزين بعض المساجد والشوارع بالأضواء
