تريند الكركم .. طرق إستخدامه بشكل صحيح ليكسبك صحة وجمال طبيعي
تريند الكركم .. ياترى جربتيه ولا لسه؟
الكركم بقى تريند في كل حتة: في القهوة، الماسكات، وحتى العصير! تعالي نشوف إزاي نركب التريند ده صح ونستفيد بجمال وصحة من ذهب.
بقلم : رؤى مصطفى
هل لاحظتى مؤخراً كثرة إستخدام الكركم في كل شئ ؟ فى القهوه أو ماسك للبشرة أو فى الديتوكس،
واضح إن الكركم خطف الأضواء واحتل الريلّات والتيك توك، بس قبل ما ننساق وراء الموجة، تعالي نعرف: هل التريند ده فعلاً مفيد؟ ولا مجرد فلاش على السوشيال ميديا؟
أحب أطمنك وأقولك: الكركم مش موضة وخلاص، ده كنز ذهبي كان بيستخدم في الطب الهندي والصيني من آلاف السنين، والمادة السحرية اللي فيه اسمها “كركمين” (Curcumin)، وهي المسؤولة عن لونه المميز وفوايده الخارقة.
كيفية تناول الكركم و كيف نستفيد منه بطريقة صحيحة؟
أولاً يجب أن تعرفى أن الكركمين للأسف لا يمتص بسهولة في الجسم. علشان كده لما تدخليه في أكلك أو تشربيه، يفضل إضافة القليل من الفلفل الأسود ليعزز الامتصاص. وهنا تبدأ الحيلة!
تعالي نعرف معاً فوائده للجمال والصحة:
نضارة البشرة: الكركم بيقلل الالتهابات وبيساعد في توحيد لون البشرة، ولذلك نجد أن ماسكات الكركم منتشرة بشده. ولكن يجب مراعاة الكمية المستخدمة حتى لا يعطى البشرة صبغة صفراء.
الكركم أيضاً مضاد أكسدة قوي: بيقاوم التجاعيد وشيخوخة البشرة، يعني ممكن نسميه صديق المرأة فوق الثلاثين .
مقاوم طبيعي للالتهابات: سواء في المفاصل، أو القولون، أو حتى مشاكل البشرة الهرمونية.
داعم للمناعة والهضم: بيساعد في توازن البكتيريا النافعة في الأمعاء، وده معناه معدة مرتاحة ومزاج رايق.
طب نستخدمه إزاي في يومنا؟
ضيفيه على شوربة العدس أو الأرز.
جرّبي “جولدن لاتيه” (حليب بالكركم والعسل والزنجبيل).
استخدميه في ماسك أسبوعي للبشرة مع زبادي أو عسل.
أضيفى القليل منه لفنجان القهوة أو كوب الكاكاو الدافئ.
إصنعى ديتوكس منزلى من الماء وخل التفاح وعصرة ليمون وبعض الكركم ولا تنسين رشة الفلفل وتناوليه على مدار يومك.
وأخيرا كبسولة ڤيتامين النهارده بتقولك:
“لو كل حاجة بقيت تريند، خليكِ إنتِ الترند الحقيقي: واعية، مثقفة، وجمالك نابع من صحة حقيقية مش فلتر إنستجرام.
اركبى التريند، بس بعقلك. استغلي الموجة دي لصالحك، وخلي الكركم أداة ذكية في روتينك الصحي والجمالي، مش بس لون في الصورة.