الكبد هو الدينامو المحرك لكل أعضاء الجسم وهرموناته
بقلم رؤى مصطفى
دهون الكبد بقت مشكلة العصر، ومش مرتبطة بالسمنة ،وليها أعراض بنغفل عنها! تعالي نعرف إزاي نحمي كبدنا ونرجّع له عافيته بأكلنا ووعينا.
تعرفي إن كبدك ممكن يبقى متغرق دهون وإنتِ مش حاسة؟! أه والله، الكبد الدهني بقى من أكتر الأمراض المنتشرة في العصر ده، خصوصًا مع نمط الحياة السريع، الأكل الجاهز، والسكر اللي داخل في كل حاجة، المخبوزات، والفاكهه المعدلة وراثيا ،وكمان الدهون المهدرجه!
طيب تعرفى كمان إن الكبد من الأعضاء القليله فى جسم الإنسان إللى تقدر تجدد خلاياها كاملة حتى لو وصل التليف فيه ل75٪!!
في البداية، خلينا نفهم:
يعني إيه دهون على الكبد؟
يعني الكبد بدأ يخزن دهون بنسبة أعلى من الطبيعي، وده بيحصل بسبب عوامل كتير زي:
الإفراط في تناول السكر والكربوهيدرات
السِمنة أو حتى الوزن الزائد البسيط
مقاومة الإنسولين أو بداية سكري
قلة الحركة
تناول بعض الأدوية لفترة طويلة
تناول الفاكهه بإفراط
بعض أنظمة الدايت
طب إيه أعراضه؟
المشكلة إن أغلب الحالات ماعندهاش أعراض واضحة، بس ممكن تحسي بـ:
إرهاق مستمر
ألم بسيط في الجانب الأيمن من البطن
انتفاخات وغازات
أحيانا إضطراب فى نشاط الغده
أحيانًا اصفرار بسيط في الجلد أو العين
إلتهاب المراره
حساسية جلديه مجهولة السبب
إرتفاع الدهون الثلاثية فى التحاليل وإهمال علاجها
ولو ماخدناش بالنا، ده ممكن يتطور لحاجة أخطر زي “تليّف الكبد” أو “تشمع الكبد” لا قدر الله.
و هنا ييجي دور كبسولة الڤيتامين بتاعتنا من الطبيعية.
أول حاجة نعملها: نبدأ نحب كبدنا ونخفف الحمل عليه:
نمنع إيه؟
السكريات: الحلويات، المشروبات الغازية، العصائر المعلبة
الفواكه عالية الفركتوز
الدقيق الأبيض والمخبوزات
الأطعمة المقلية والمصنعة
الكحول طبعًا!
الدهون المهدرجة والزيوت النباتية المكررة
منتجات الألبان نباتية الدهن
وناكل إيه؟
الخضار الورقي الأخضر: سبانخ، جرجير، بقدونس
الخضروات الصليبية زى الكرنب القرنبيط البروكلى
البروتين الصحي: بيض بلدي، سمك، لحوم حمراء، عدس
زيت الزيتون البكر
السمن البلدى الجاموسى
الشاي الأخضر والكركم والزنجبيل
والمياه.. كتير كتير!
البنجر
خل التفاح
الڤيتامينات والمكملات المهمة:
فيتامين E كمضاد أكسدة قوي
أوميجا 3
فيتامين C
ڤيتامين D3
السيلينيوم والزنك
طب نمنعه إزاي قبل ما ييجي؟
ببساطة:
حركة يومية حتى لو نص ساعة مشي يوم بعد يوم
أكل متوازن
دهون صحية
ننام كويس
نشرب مياه كل ما نعطش
نسمع لجسمنا ونكشف بدري
وبكده نكون إدينا كبدنا حضن تغذوي دافي بدل ما يستنجد بينا بعد فوات الأوان.
خلي كبسولة ڤيتامينك اليومية هي طبق السلطة، الحركة، والوعي.. وساعتها مش هتحتاجي لا دوا ولا تحليل فجائي!
كاتبة المقال
رؤى مصطفى.