السماء بتحكي أسرارنا… والقدر بيكتب بخط الكواكب.. الأبراج وتوقعات الأحد 18 مايو 2025
السماء بتحكي أسرارنا…في كل لحظة بتمر، فيه طاقة بتتحرك حوالينا كأن الكون بيهمس لينا بشيء، كأن النجوم بتشير لطريق محتاجين نمشي فيه. مش مجرد توقعات، لكنها إشارات من السما.
كتبت: شروق راضي
الحمل – لما النار تتحول لحكمة(21 مارس – 19 أبريل)
انت طول عمرك مش بتعرف تمشي جنب الحيط. دايمًا بتحب المواجهة، بس النهارده يوم للهدوء. في الحب، محتاج تراجع ردود فعلك. الكلام الجارح ساعات بيفضل في القلب أكتر من اللازم.
ماديًا، فيه خبر كويس جايلك، بس مش هييجي إلا بعد اختبار صغير في الشغل.
الثور – لما الاستقرار يهتز من تحت رجليك
(20 أبريل – 20 مايو)
فيه مشاعر جديدة داخلك، مش قادر تشرحها يمكن حب، يمكن حنين، يمكن اشتياق لحاجة راحت منك.
في الشغل، فيه فرصة كبيرة لو قررت تخرج من منطقة الأمان. بس هل هتجازف؟
خد بالك من معدتك، خاصة من الأكل السريع والمقليات.
الجوزاء – اللي بيجري بين نقطتين ومش عارف يرسى
(21 مايو – 20 يونيو)
النهارده مزاجك عامل زي موج البحر عالي، وهادي، ومفاجئ.
في الحب، محتاج تكون صادق مع نفسك: إنت بتحب بجد؟ ولا بتحب فكرة الحب؟
في الفلوس، عندك فكرة جديدة ممكن تحقق منها دخل، بس محتاجة تخطيط وواقعية.
عقلك شغال زيادة عن اللزوم؟ جرّب تمشي حافي على الرمل أو تسمع صوت البحر ده هيهديك.
السرطان – لما الحنية تتحول لسلاح بيجرحك
(21 يونيو – 22 يوليو)
إنت أكتر حد بيحب بصدق… بس أوقات الطيبة بتتحول لعبء.
النهارده حاسس إنك مدفون في مشاعر مش بتتقال، بس بتتعيّش.
في الشغل، فيه شخص بيفكر يساعدك في صمت… خليك منتبه للإشارات.
صحيًا، حاول تخرج من البيت، الطبيعة هتصلّح كتير جواك.
الأسد – لما الكاريزما تبقى ستار بيخبي الوجع
(23 يوليو – 22 أغسطس)
إنت ظاهر قوي، بس جواك وجع صامت. النهارده، الكواكب بتقولك: افتح قلبك، حتى لو لمرآتك.
في الحب، فيه شخص محتاج يسمع إنك محتاجه.
في الفلوس، عندك حظ كبير لو اشتغلت على فكرة إبداعية.
جسمك بيستغيث من قلة النوم ريّح نفسك ولو شوية.
العذراء – بين النظام وبين الحلم اللي مش بيكتمل
(23 أغسطس – 22 سبتمبر)
كل حاجة عندك بحساب، حتى مشاعرك. بس النهارده، القلب هيغلب العقل.
في العلاقة، ممكن تبكي لوحدك من غير ما حد ياخد باله.
في الشغل، فيه فرصة مش هتتكرر، بس محتاجة تسيب شوية من سيطرتك.
أوجاع ظهرك نفسية أكتر ما هي عضوية جرّب تتكلم مع حد ترتاح له.
الميزان – لما الكفة تميل وانت بتتفرج
(23 سبتمبر – 22 أكتوبر)
علاقتك محتاجة توازن، ومينفعش تكون دايمًا الطرف اللي بيعتذر.
في الفلوس، لو قدرت تقول “لا” لبعض الطلبات، هتوفر أكتر من اللي تتخيله.
نفسيتك مستقرة بس جسمك محتاج رياضة، حتى لو تمارين بسيطة.
العقرب – اللي بيخبّي جواه عالم كامل
(23 أكتوبر – 21 نوفمبر)
أسرارك عاملاك حصن، بس مش كل الناس أعداء.
في الحب، الشخص اللي قدامك محتاج يسمعك مش يفتش جواك.
في الفلوس، فيه صديق ممكن يطلب سلفة قيم الموقف كويس.
حاول تخرج المشاعر المكتومة، ولو عن طريق الكتابة.
القوس – لما المغامرة تبقى محاولة للهروب(22 نوفمبر – 21 ديسمبر)
إنت بتحب تغير، تسافر، تجرّب بس يمكن دلوقتي محتاج تركز.
العاطفة داخلك بتغلي، بس مش لاقي مخرج. لو مرتبطة، فيه حوار محتاج يتقال بصراحة.
الفلوس داخلة خارجة، بس لو نظمتها هتلاقيها كفاية.
.
الجدي – صامت لكنه أقوى مما يبان(22 ديسمبر – 19 يناير)
الناس تفتكر إنك متماسك، بس الحقيقة إنك بتتعب أكتر من غيرك.
العلاقة العاطفية مش بتديك اللي محتاجه، بس انت مش قادر تسيبها.
في الشغل، فيه شخص بيحاول يضرك خليك يقظ.
الدلو – العقل الطاير والقلب الوحيد
(20 يناير – 18 فبراير)
إنت مختلف، وده شيء جميل بس كمان بيخليك تحس إنك وحيد.
في الحب، حد قريب منك أكتر مما تتخيل بس إنت مش واخد بالك.
في الفلوس، محتاج تنظم ميزانيتك. مصاريفك بتهرب منك وانت مش واخد بالك.
الحوت – لما الأحلام تتحول لكوابيس حقيقية
(19 فبراير – 20 مارس)
أحلامك دايمًا كبيرة بس مشكلتك إنك بتصدقها أكتر من الواقع.
العلاقة اللي انت فيها محتاجة حدود واضحة، عشان متتأذيش.
فلوسك ماشية كويس، بس إحساسك الدائم بعدم الأمان بيخليك تقلق.
نفسيتك محتاجة حضن حتى لو من نفسك.
